Բրիտանական Sky News Հեռուստաալիքը որոշել է նորությունների լրացուցիչ ալիք գործարկել, որը կանտեսի Brexit-ը, քանի որ բրիտանացիները երեք տարվա ընթացքում հոգնել են այդ թեմայից: Այս մասին Sky News-ը հաղորդել է չորեքշաբթի, հոկտեմբերի 16-ին:
Հեռուստաալիքի տվյալներով՝ այս ամռանը անցկացված հետազոտությունը ցույց է տվել, որ մարդկանց մեկ երրորդը խուսափում է նորություններից: Հարցվածների ավելի քան 70%-ը մեղադրել են Brexit-ին, հայտարարելով, որ իրենք շատ մտահոգ են դրա շուրջ քաղաքական քննարկումներով:
Գրեթե 60%-ն ասել է, որ նորությունները բացասական ազդեցություն են գործում իրենց տրամադրության վրա, իսկ 40%-ը գտնում է, որ անզոր են իրենց զգում իրադարձությունների վրա ազդելու հարցում:
Sky News-ը կշարունակի լուսաբանել Brexit-ը գլխավոր ալիքով: Զուգահեռ, վճարովի հարթակի վրա նորությունների նոր ծրագիր կգործարկվի, որում Brexit-ի մասին լուրեր չեն լինի:
Sky News Brexit-Free ալիքը եթեր դուրս կգա չորեքշաբթի Sky 523 ալիքով և կհեռարձակվի ժամը 17:00-ից մինչև 22:00՝ երկուշաբթիից ուրբաթ: