«Մամուլի հետ սուրճ» հաղորդման հոկտեմբերի 17-ի հյուրը Խոսքի ազատության պաշտպանության կոմիտեի նախագահ Աշոտ Մելիքյանն է։Անդրադառնալով մամուլի օրվան, որը նշվում է հոկտեմբերի 16-ին, մեր զրուցակիցն ասաց՝ օրը ևս մեկ լավ առիթ է խոսելու մամուլի խնդիրների մասին։
Մելիքյանն ընդգծեց.«Գլխավոր բանը, որ կցանկանայի հայ մամուլին՝ իրական անկախություն ձեռք բերելն է և իսկապես ազատ գործելը։ Դա մտահոգում է ամբողջ հասարակությունը՝ մամուլը մեծամասնությամբ սերտաճել է քաղաքական շրջանակների հետ և մեծամասամբ սպասարկում է այդ շրջանակների շահերը»։
Մեր զրուցակցի դիտարկմամբ՝ մենք ի վերջո կհասնենք նրան, որ գոնե ակտիվ օգտատերերը կկարողանան ստուգել ինֆորմացիայի ճշտությունը և մանիպուլացիաների ազդեցությունը կհասցվի նվազագույնի։
Հարցազրույցն ամբողջությամբ՝ տեսանյութում
