Բնակարանում վտանգավոր միկրոօրգանիզմների գլխավոր օջախը խոհանոցակոնքն է, հայտարարել է Արիզոնայի համալսարանի հանրային առողջապահության ամբիոնի պրոֆեսոր Չարլզ Գերբը: Այս մասին հաղորդում է CNN-ը:
Գերբը նշել է, որ շատ մարդիկ հալեցնում են սառած հում միսը լվացարանի մեջ կամ թռչնամիսը պատրաստելուց առաջ լվանում են: Արդյունքում վտանգավոր միկրոօրգանիզմները տարածվում են խոհանոցակոնքի մեջ և հետագայում ողջ խոհանոցում: Բացի այդ, փորձագետի խոսքերով, որոշ մթերքներ կարող են սալմոնելա տարածել և աղիքային ցուպիկներ:
Գերբը նաև նշել է, որ խոհանոցում ամենակեղտոտ իրերն են սեղանածածկը, սպասք լվանալու սպունգները, լաթերն ու սրբիչները: «Վերջին հետազոտությունը ցույց է տվել, որ խոհանոցային տախտակի վրա ավելի շատ մանրէներ կան, քան զուգարանակոնքի վրա»,- ընդգծել է գիտնականը: