«Պարոն Գրիգորյանն այլևս ՍԴ դատավոր է, և ես չեմ կարծում, որ ինքը պետք է տա քաղաքական գնահատական, թե Ազգային ժողովն ինչ է անում։ Ես լրիվ հասկանում էի այն թեզերը, նամակը, որ առաջարկվել է, բայց ԱԺ-ն ինքնուրույն մարմին է և ինքն է որոշում իր քայլերի հաջորդականությունը»,-«Առաջին լրատվական»-ի հետ զրույցում ասաց «Իմ քայլը» խմբակցության պատգամավոր Սոս Ավետիսյանը՝ անդրադառնալով ՍԴ դատավոր Վահե Գրիգորյանի՝ նախօրեին տված հարցազրույցին, որտեղ վերջինս նշում էր, որ ԱԺ-ն մազաչափ անգամ չի մոտեցել ՍԴ ճգնաժամի լուծմանը։
«Սա երկար ճանապարհ է, որոշ առումով որոշ մարդկանց հիասթափեցնող ճանապարհ է, որովհետև պետության և հեղափոխության օրակարգերը հատվում են, բայց պետականությունը նաև ենթադրում է ամենօրյա աշխատանք, և հնարավոր չէ միայն մեկ-երկու օրակարգ վերցնել և գնալ առաջ։ Իհարկե հասկանում ՍԴ փոփոխության կարևորությունը, բայց սա մեր միակ օրակարգը չէ»,-հավելեց նա։
