Հռոմի Ֆրանցիսկ պապի գլխավոր թիկնապահը աշխատանքից հեռացման դիմում է գրել փաստաթղթերի արտահոսքի պատճառով, որոնք կապված են ֆինանսական հետաքննության հետ՝ գրում է news.mail.ru-ն հղում կատարելով Վատիկանի տարածած հայտարարությանը։
Ինչպես ընդգծված է հայտարարության մեջ՝ 57-ամյա Դոմենիկո Ջիանին «չի կրում որևէ անձնական պատասխանատվություն»։
Ջիանիի ստորագրությամբ փաստաթուղթը մամուլում է հայտնվել հոկտեմբերի 2-ին։ Դրանում նշված են 5 աշխատակիցների անուններ, ովքեր հեռացվել են աշխատանքից նրանց հետ կապված ֆինանսական հետաքննության պատճառով։ Թե ում պատճառով է փաստաթուղթը հայտնվել ԶԼՄ-ների մոտ դեռևս հայտնի չէ։
Վատիկանի տպագրության ծառայության ղեկավար Մաթեո Բրունին հայտարարել է, որ Ֆրացիսկ պապը քննադատել է այդպիսի տեղեկության «անօրինական տարածումը» և նույնիսկ համեմատել է դա մահացու մեղքի հետ, քանի որ այն խախտում է անմեղության կանխավարկածի սկզբունքը։