«Ես չեմ պատրաստվում բովանդակային պատասխան տալ պարոն Բալասանյանի հնչեցրած մտքերին, որովհետև պարոն Բալասանյանի ասուլիսը, որը ամբողջությամբ չեմ դիտել, այն հատվածը, որը դիտել եմ, ծայրից ծայր աբսուրդ էր, և անշնորհակալ գործ է ընդհանրապես արձագանքել աբսուրդին։ Եվ ձեր մեջբերած միտքը աբսուրդի լավագույն օրինակներից է»,-«Առաջին լրատվական»-ի հետ զրույցում ասաց ԱԺ «Իմ քայլը» խմբակցության անդամ, ԱԺ արտաքին հարցերի մշտական հանձնաժողովի նախագահ Ռուբեն Ռուբինյանը՝ անդրադառնալով Վիտալի Բալասանյանի ասուլիսի ժամանակ հնչեցրած այն մտքին, թե այսօրվա Հայաստանի իշխանության վրած քաղաքականությունը Ղարաբաղի հարցում շարունակությունն է Լևոն Տեր-Պետրոսյանի քաղաքականության. դա հետեևյալն է՝ Սերգո ջան, լավ չենք ապրելու, մինչև Ղարաբաղը չհանձնենք:
«Կասեմ միայն հետևյալը․եթե ես լինեի Իլհամ Ալիևի տեղը, ես կերազեի, որպեսզի Արցախում լիներ նախագահի թեկնածու ցանկացող անձ, որը Հայաստանի իշխանություններին մեղադրում է դավաճանության մեջ։ Ահա այն ամենը, ինչ ես ունեմ ասելու Վիտալի Բալասանյանի ասուլիսի մասին»,-հավելեց Ռուբեն Ռուբինյանը։