Լուրեր
Բալասանյանի հայտարարությունները չափազանց վտանգավոր են․ դրանք կարող են առաջացնել ճակատագրական խզումներ
  • 18:15
  • 2019-10-15
  • Դիտումներ՝ *

Վերջերս տարբեր աղմկահարույց հայտարարություններով հանդես եկած Արցախի նախկին Անվտանգության խորհրդի քարտուղար Վիտալի Բալասանյանն այսօր մամուլի ասուլիս է տվել։

Վիտալի Բալասանյանը և նրա նման պետական ապարատում երկար տարիներ աշխատած մարդիկ, որոնք Հայաստանի և Արցախի արտաքին մարտահրավերներին մամուլից չէ որ տեղյակ են, իրենց արված հայտարարությունների հետևանքների մասին մտածո՞ւմ են կամ հասկանո՞ւմ են, թե այդ հայտարարությունն ինչ հետևանք կարող է ունենալ․ «Առաջին լրատվական»-ի հարցին սոցիոլոգ Արտակ Սաղաթելյանը պատասխանեց․ «Կարծում եմ՝ նրանց մեծ մասը հասկանում է՝ հաշվի առնելով պետական ապարատում նրանց աշխատելու փորձը։ Բայց ամեն դեպքում մարտավարության ինչ-որ գիծ կա, որը նրանք առաջ են տանում։ Հետևանքները կարող են տարբեր լինել՝ կախված մարտավարությունից, ռազմավարությունից։ Վերջին շրջանի ակնհայտ սադրիչ, գրեթե հայհոյախառն ասուլիսները, որ մենք տեսնում ենք տարբեր մարդկանց կողմից՝ նաև նախկինում հարգանք ունեցող մարդկանց կողմից, կարծում եմ՝ կարելի է համեմատել հայկական սերիալների հետ։ Մի քիչ համեմատությունը կարող է տարօրինակ հնչի, բայց սերիալների ժամանակ է, չէ՞, նման ագրեսիվ ոճը, հայհոյախառն արտահայտությունները։ Իմ կարծիքով՝ նրանք այդ կերպ մարդ են գրավում, հանդիսատես են գրավում։ Բայց եթե սերիալի դեպքում այն գրավում է հանդիսատես և ապահովում է եկամուտ սերիալ արտադրողին, ապա այս դեպքում մի քիչ անհասկանալի է, որովհետև, ճիշտ է, հանդիսատես ապահովում է, բայց դա չի նշանակում, որ այդ հանդիսատեսն անցնում է իրենց քաղաքական կողմը»։

Իսկ մշակութային մարդաբան Աղասի Թադևոսյանը ասաց․ «Գիտեք, այստեղ խնդիրն այն է, որ Արցախի հարցը հայաստանյան հարց է՝ դա միայն Արցախի հարց չի։ Այն չի առաջացել որպես Արցախի հարց, այլ այն առաջացել է որպես Հայաստանի հարց, որովհետև երբեք հայկական էթնիկ գիտակցության մեջ Արցախը չի դիտվել որպես առանձին քաղաքական միավոր։ Միշտ էլ դա ընկալվել է համահայաստանյան խնդրի մի մաս, որը պատմական ճակատագրի բերումով օտար տարբեր ուժերի միջամտությամբ հայտնվել է ինչ-որ մի պետության կազմում։ Եթե հիշում եք՝ 1988-ին, երբ սկսվեց շարժումը, հիմնական կոչը միացումն էր։ Հետո սկսված քաղաքական մանևրների միջոցով գնացին Արցախին անկախություն տալու ճանապարհով, և ներկայումս էլ այն համահայկական խնդիր է»։

 

 

 

Մանրամասները՝ տեսանյութում։

  • Դիտումներ՝ *