ABC հեռուստաալիքը ԱՄՆ-ում զորավարժությունները ներկայացրել է որպես հարձակում թուրքական բանակի վրա Սիրիայում: Հանդիսատեսը լրագրողներին մեղադրել է ստի մեջ: Նյութում ասվում է, որ դրանք իրադարձությունների վայրից վերջին կադրերն են, որոնց վրա «հստակ երևում է հարձակումը թուրքական բանակի վրա»: Սակայն, փաստորեն, ցուցադրվել են Կենտուկիի Լուիսվիլի մերձակայքում գտնվող զորավարժարանում 2017-ին նկարահանված կադրերը:
ABC-ն խոստովանել է, որ տեսանյութը կեղծ է և հայտարարել է, որ «ափսոսում է սխալի համար»: Սակայն սոցցանցերի օգտատերերը նշել են, որ ալիքը կորցրել է իր հանդիսատեսի զգալի մասի վստահությունը:
Ինչպես հայտնի է, հոկտեմբերի 9-ին Թուրքիան «Խաղաղության աղբյուր» անվանումով նոր ռազմական գործողություն է սկսել Սիրիայում: Դրա նպատակը հանրապետության հյուսիսում անվտանգության գոտի ստեղծելն է, որտեղ կարող են վերադառնալ փախստականները: Անկարան մտադիր է այդ տարածքը մաքրել քրդական զինված խմբավորումներից:
Հոկտեմբեր 15-ին ԱՄՆ նախագահ Դոնալդ Թրամփը հրամանագիր է ստորագրել Թուրքիայի դեմ պատժամիջոցներ կիրառելու մասին: Այս միջոցառումներն ազդելու են մասնավոր անձանց, Թուրքիայի կառավարության հետ կապված մարդկանց, ինչպես նաև մի շարք կազմակերպությունների վրա:
