Երկուշաբթի՝ հոկտեմբերի 14-ին, սկսվում է արքայազն Ուիլյամի և Քեյթ Միդլթոնի դեպի Պակիստան «ռիսկային» թագավորական շրջագայությունը։ Արքայական շրջագայությունը կտևի մինչև հոկտեմբերի 18-ը: Այն բնութագրում են որպես «Քեմբրիջի դուքսի և դքսուհու դժվար ճանապարհորդություն՝ հաշվի առնելով լոգիստիկ և անվտանգության նկատառումները»: Սա վերջին 13 տարվա ընթացքում կլինի արքայական ընտանիքի ամենաաղմկոտ այցը երկրում անկայուն իրավիճակի և ահաբեկչության սպառնալիքի պատճառով՝ տեղեկացնում է Express-ը։
Քեյթը և Ուիլյամը չորս օր հսկվելու են 1000 ոստիկանների կողմից: Նաև, Քենսինգթոնի պալատի հաղորդագրության համաձայն՝ շրջագայությունը «կարևոր դիվանագիտական իրադարձություն կլինի զույգի համար և թագավորական ընտանիքում նրանց աճող մեծության նշան»: Ամուսինները նախատեսում են հանդիպել մեծ թվով սոցիալական խմբերի հետ` երեխաներ, երիտասարդներ, կառավարության անդամներ, գործարարներ, բարերարներ, բնապահպաններ, մշակույթի և սպորտի հայտնի գործիչներ և այլք։