Թուրքիայի նախագահ Ռեջեփ Թայիփ Էրդողանը ժամանում է Բաքու՝ մասնակցելու Թյուրքալեզու պետությունների համագործակցության խորհրդի 7-րդ համաժողովին՝ հաղորդում է «Ինտերֆաքս» լրատվական գործակալության ադրբեջանական ծառայությունը:
Ըստ ադրբեջանական լրատվամիջոցների՝ Թուրքիայի առաջնորդը երկկողմ հանդիպումներ կունենա կազմակերպության անդամ երկրների ղեկավարների հետ:
Մինչ այդ, Ադրբեջանի և Թուրքիայի արտգործնախարարներ Էլմար Մամեդյարովը և Մևլութ Չավուշօղլուն այսօր Բաքվում քննարկել են ղարաբաղյան հակամարտությունը և Մերձավոր Արևելքում տիրող իրավիճակը։ «Ընդգծվեց երկու երկրների կողմից իրականացվող քաղաքականության կարևորությունը՝ անվտանգության ապահովման համար»,- ասվում է ադրբեջանական արտգործնախարարության հաղորդագրությունում: