Առևտրի համաշխարհային կազմակերպությունը պաշտոնապես հավանություն է տվել Եվրամիությունից ներմուծվող ապրանքների վրա լայնածավալ առևտրային պատժամիջոցներ կիրառելու վերաբերյալ ԱՄՆ որոշմանը՝ կապված եվրոպական Airbus ավիաշինական կոնցեռնի կողմից ապօրինի սուբսիդիաների ստացման հետ: Համապատասխան բանաձևն ընդունվել է ԱՀԿ վեճերի լուծման մարմնի կողմից՝ հոկտեմբերի 14-ին, Ժնևում:
Այս որոշումը պարզ ձևականություն էր, քանի որ ԱՀԿ արբիտրաժը նման որոշում էր կայացրել դեռ հոկտեմբերի 2-ին: Այն արգելափակելու համար անհրաժեշտ էր, որ այն մերժվի բոլոր այն երկրների կողմից, որոնք հոկտեմբերի 14-ին մասնակցել են ԱՀԿ վեճերի լուծման մարմնի նիստին, ներառյալ հենց ԱՄՆ-ը:
ԱՄՆ-ը պատժամիջոցներ է սահմանում եվրոպական ապրանքների նկատմամբ ռեկորդային 7.5 միլիարդ դոլարի չափով: ԱՀԿ արբիտրաժը հաստատել է, որ ԵՄ-ն և նրա անդամները՝ Մեծ Բրիտանիան, Ֆրանսիան, Գերմանիան և Իսպանիան, այդպես էլ չեն չեղարկել են Airbus-ի ապօրինի սուբսիդիաները, ինչը խոչընդոտել է նրա ամերիկյան մրցակից Boeing-ի արտադրանքի վաճառքին:
ԱՄՆ նախագահի Դոնալդ Թրամփի աշխատակազմը մտադիր է այս պատժամիջոցները կիրառել հոկտեմբերի 18-ից: