Լուրեր
Առանց սահմանափակման դրամաշնորհներ՝ համալսարաններին և երիտասարդ գիտնականներին. Եվ սա դեռ ամենը չէ

Այս օրերին Երևանում են գտնվում առաջադեմ տեխնոլոգիաների ոլորտում աշխատող հետազոտողներ: Պատճառը  «Գիտության և տեխնոլոգիաների միավորում» (Science and Technology Convergence (STC) Conference 2019) ամենամյա գիտաժողովն է, որի  նպատակը Հայաստանում հիմնարար և կիրառական հետազոտությունների ապագայի կանխատեսումն է։ Գիտաժողովն իրականացնում են «Գիտությունների ազգային ակադեմիայի Ինֆորմատիկայի և ավտոմատացման պրոբլեմների ինստիտուտն ու «Սմարթգեյթ ՎԻ ՍԻ» վենչուրային ֆոնդի նախաձեռնությունը հանդիսացող «Քաթըլիսթ» հիմնադրամը։

Գիտաժողովի մասնակից Հայկ Գևորգյանը, որն աշխատում է Բուլղարիայում և զբաղվում է քվանտային համակարգիչների նախագծմամբ, կարևորեց նման միջոցառումների անցկացումը: «Աշխարհը գնում է այս ուղղությամբ, ոչ միայն գիտությունն ու տեխնոլոգիաներն են միաձուլվում, այլ նաև ժամանակակից բիզնեսը գիտական ուղղվածություն ունի»,-նշեց մեր զրուցակիցը:

«Գիտության և տեխնոլոգիաների միավորում» Գիտաժողովի գործընկեր «Ֆիլիպ Մորրիս Ինթերնեյշնլ»  ընկերության Էկո համակարգի զարգացման ծրագրի ղեկավար Մարիամ Դավթյանն էլ իր հերթին կարևորեց այն փաստը, որ առանց հիմնարար գիտության որևէ տեխնոլոգիա չի կարող զարգացում ունենալ:

«Հաշվի առնելով, որ մեր ընկերությունը մշակում է այնպիսի լուծումներ, որոնք նոր տեխնոլոգիաների կարիք ունեն, փորձում ենք աջակցել Հայաստանում գիտական և կրթական ենթակառուցվածքների զարգացմանը և քաղել դրա պտուղները, նրանք են՝ երիտասարդ գիտնականները, մագիստրոսները, ասպիրանտները, որոնք իրենց մասնագիտակաան ճանապարհը հետո կարող են շարունակել Հայաստանի «Ֆիլիպ Մորրիս»-ի գիտահետազոտական կենտրոնում: Հիմա արդեն ունենք 36 ուսանող, որոնք ստացել են դրամաշնորհ տվյալագիտության ու համակարգային ինժեներության ոլորտում»:

Դավթյանը նաև շեշտեց, որ 2019թ. «Ֆիլիպ Մորրիս»-ի շնորհիվ շուրջ 100 երիտասարդ գիտնական կստանա բավարար ֆինանսական աջակցություն՝ գիտությամբ զբաղվելու համար:

Գիտությունների ազգային ակադեմիայի Ինֆորմատիկայի և Ավտոմատացման պրոբլեմների ինստիտուտի գիտաշխատող Սերգեյ Աբրահամյան էլ իր հերթին կարևորեց Ֆիլիպ Մորրիս Ինթերնեյշնլ ընկերության հետ համագործակցությունը, որի մեկնարկը տրվել է 2016թ.:

 

Առավել մանրամասն՝ տեսանյութում:

  • Դիտումներ՝ *