Հոկտեմբերի 12-ի գիշերը Ադրբեջան-Իրան սահմանին սահմանախախտման միջադեպ է տեղի ունեցել։ Իրանի քաղաքացին փորձել է ապօրինի հատել սահմանն ու թմրանյութեր տեղափոխել։ Ադրբեջանի սահմանապահ ծառայությունը մանրամասներ է ներկայացրել։
Սահմանախախտման դեպքի ժամանակ ադրբեջանցի սահմանապահները նկատել են իրանցուն և փորձել են ձերբակալել նրան։ Սակայն իրանցին դիմադրել է ու ձեռքի դանակով վիրավորել ադրբեջանցի սահմանապահներից մեկին։ Վերջինիս վիճակը, ըստ ադրբեջանական կողմի, բավարար է։
Ավելի ուշ իրանցու զննության արդյունքում պարզվել է, որ նա փորձում էր թմրանյութեր տեղափոխել Ադրբեջան։ Ադրբեջանական ազգանունով իրանցի Էթիբար Յադիգարովի մոտ 790 գրամ մարիխուանա, 105 գրամ հերոին և 100 գրամ այլ թմրամիջոցներ են հայտնաբերվել: