«Իմ պատկերացմամբ՝ այս պահի դրությամբ հիմնականում թիրախավորված է Սահմանադրական դատարանի դատավոր-անդամ, նախագահ Հրայր Թովմասյանը: Սա լավ է, թե վատ՝ այլ հարց է: Ես կարծում եմ, որ վատ է: ՍԴ-ն պետք է ունենա այնպիսի կազմ, որը լեգիտիմության առումով որևէ կերպ կասկածի տեղիք չտա հանրության մոտ: Հենց այս փաստը դատավոր մյուս անդամները շատ լավ գիտակցում են և քաջատեղյակ են: Եթե վարույթ ընդունվի, դատավոր-անդամները, գիտակցելով այս պահի լրջությունը, իսկապես կկայացնեն այնպիսի որոշում, որով կվերականգնեն իրենց լեգիտիմությունը հանրության շրջանակներում»,- «Առաջին լրատվական»-ի հետ զրույցում ասաց ԱԺ «Իմ քայլը» խմբակցության պատգամավոր Սիսակ Գաբրիելյանը:
Նրա խոսքով՝ առաջնային հարց է վերականգնել հանրության վստահությունը Սահմանադրական դատարանի նկատմամբ.«Կարծում եմ՝ եթե վարույթ ընդունվի և իմ պահանջը բավարարվի, եթե ոչ ամբողջությամբ, ապա գոնե մասամբ կվերականգնվի ՍԴ-ի նկատմամբ հանրության վստահությունը»: