Բելգիայի արքայադուստր Մարիա-Էսմերալդան ձերբակալվել է Լոնդոնում էկո-ակտիվիստների զանգվածային բողոքի ցույցի ժամանակ, հայտնում է The Telegraph-ը:
Թագավոր Լեոպոլդ III-ի և արքայադուստր Ռետիի 63-ամյա դուստրը ձերբակալվել է ուրբաթ օրը, հոկտեմբերի 11-ին, Լոնդոնի Թրաֆալգարյան հրապարակում, բայց ավելի ուշ նրան ազատ են արձակել՝ առանց մեղադրանք առաջադրելու:
Ոստիկանական փաստաթղթերում որպես արքայադստեր բնակության հասցե նշված է Լոնդոնի հյուսիս-արևմուտքում գտնվող էլիտար անշարժ գույքը:
Ինչպես հայտնի է, Լոնդոն են ժամանում ամբողջ աշխարհի էկո-ակտիվիստները, որոնք հայտարարել են երկուշաբթի օրվանից բրիտանական մայրաքաղաքի բոլոր կարևոր մայրուղիների երկու շաբաթով ամբողջական արգելափակման մասին: Նմանատիպ արգելափակում էկո-ակտիվիստները Լոնդոնում իրականացրել են ապրիլին. այդ ժամանակ որոշ ճանապարհների արգելափակումը տևել է 11 օր:
