Էկվադորի նախագահ Լենին Մորենոն հայտարարել է երկրի մայրաքաղաք Կիտոյում պարետային ժամ սահմանելու մասին: Այս մասին նա գրել է իր Թվիթերում:
Բացի դրանից, մայրաքաղաքում մտցվել է ռազմական դրություն:
Քաղաքական գործիչը հայտարարել է, որ ռազմական դրությունը կսկսի գործել ժամը 15-ից (Երևանի ժամանակով՝ 23.00-ից): Մորենոն նշել է, որ այդ միջոցները կոչված են թեթևացնելու իրավապահ մարմինների աշխատանքը «բռնության ավելորդ դրսևորումներից»:
Էկվադորում բողոքի ակցիաները և բախումները սկսվել են հոկտեմբերից վառելիքի նկատմամբ պետական սուբսիդիաների չեղարկումից և կառավարության մի շարք բարեփոխումներից հետո: Բողոքի ակցիայի մասնակիցները շրջափակել էին քաղաքի փողոցները, նավթի հանքավայրին և մայրաքաղաքի օդանավակայանին հասանելիությունը: Ակցիաների ընթացքում զոհվել է 5 մարդ, հարյուրավորները՝ ձերբակալվել:
