Գերմանիայում սկանդալ է բռնկվել մսամթերքի խոշոր արտադրող Wilke Wurstwaren-ի շուրջ, որի պատճառով թունավորվել են տասնյակ մարդիկ: Երկու դեպք ավարտվել է մահով։ Այս դեպքը ևս մեկ անգամ հարուցել է գերմանացիների վախը իրենց սեղանին հայտնվող ուտելիքի հետ կապված:
Ինչպես ցույց է տվել Սննդի անվտանգության եվրոպական մարմնի (EFSA) կողմից անցկացված հարցումը, ամեն երկրորդ գերմանացին (50%) հետաքրքրված է սննդի անվտանգության հարցերով: Սա ավելին է, քան ԵՄ միջին ցուցանիշը (41%):
Ավելին, որքան բարձր է հարցվողի բարեկեցությունը, այնքան մեծ է նրա անհանգստությունը: Հարցվածների 38%-ը խոստովանել է, որ սննդի հետ կապված հնարավոր ռիսկերի մասին իրենց լսած կամ կարդացած տեղեկությունը կյանքի ընթացքում գոնե մեկ անգամ ստիպել է նրանց փոխել իրենց ուտելու սովորությունները (ընտրություն, պատրաստման կամ որևէ սնունդ պահելու գործընթաց):
