Այսօր ռուսական RBC Daily-ն գրել է, որ Հայաստանի ավիափոխադրող «Արմավիա» ընկերությանը հանձնված ռուսական SuperJet100 ինքնաթիռը լուրջ նորոգման կարիք կունենա արդեն 2000 թռիչք իրականացնելուց հետո, մինչդեռ դրա նորման կազմում է 10 հազար թռիչք:
Մասնավորապես պետք է փոխվի անիվների հիմքը, որովհետև «Արմավիային» տրամադրված 95 տեղանոց ինքնաթիռի վրա դրվել են 75 տեղանոցի սարքեր:
Տեղեկացնենք, որ SuperJet100 ինքնաթիռը Ռուսաստանի ավիաշինութայն վերջին տասնամյակների «նոու-հաուն» է: Տարօրինակ է սակայն, թե ինչու հենց հայկական ավիափոխադրողի վրա է փորձարկվում նրա ամենաառաջին ինքնաթիռը:
Ըստ մեր հավաստի աղբյուրների տեղեկությունների՝ ռուսական ինքնաթիռաշինության այս «արտադրանքն» աչքի է ընկնում բացառիկ անորակությամբ (Boeing ընկերությունը տարիներ առաջ այս ինքնաթիռի կոմերցիոն հնարավորությունները շատ ցածր է գնահատել) և միջազգային բազմաթիվ ստանդարտներին անհամապատասխանությամբ։ Առնվազն զարմանք է հարուցում Sukhoi ընկերությանը հայկական պատվերների քանակը, ինչը հավանաբար կա՛մ փողերի լվացման հերթական հղկված մեխանիզմի արդյունք է, կա՛մ պայմանավորված է այդ ընկերության գլխավոր տնօրեն Միխայիլ Պողոսյանի կապերի հանգամանքով։
