Սիրիայում տեղի ունեցածը անթույլատրելի է եւ մենք նորից տեսնում ենք Թուրքիայի ծավալապաշտական գործողությունները, որոնք կարելի էր կանխատեսել։ Այս մասին «Առաջին լրատվական»-ի հետ զրույցում նշեց ԱԺ «Իմ քայլը» խմբակցության պատգամավոր Սոս Ավետիսյանը։
Նրա խոսքով, նաեւ պետք է հասկանանք, որ անվտանգության այն համակարգերը, որ առկա են Սիրիայում, միմյանց բալանսավորում են եւ ցանկացած մի խաղացողի գնալ-գալը անմիջապես ազդում է իրավիճակի վրա։
«Բացի այդ, Սիրիայում մեր դեսպանություն ու հյուպատոսությունը մեծ գործ ունեն անելու՝ կապվելու մեր համերկրացիների հետ, նրանց ապահովության հարցը լուծելու։ Մենք պետք է հասկանանք, որ այս ամբողջ ընթացքում մեր հյուպատոսությունը, դեսպանությունը լավ են աշխատել»,-ասաց պատգամավորը։