Facebook սոցիալական ցանցը սկսել է սոցիալական գովազդների շարք, որոնք ուղղված են դժվար դաստիարակվող երեխաներին «վերադարձնելուն»: Facebook-ը դաստիարակչական այս գործունեությամբ կզբաղվի Time Warner մեդիահոլդինգի հետ համատեղ: Այս մասին հաղորդում է Associated Press գործակալությունը:
«Մենք հավատում ենք, որ ուսուցիչների և երեխաների ծնողների հետ համատեղ աշխատանքը կօգնի դեռահասներին խոսելու սեփական խնդիրների մասին, ինչպես նաև կդադարեցնի պատանեկան խուլիգանությունը»,- հայտարարել է Facebook-ի ներկայացուցիչ Շերիլ Սանդբերգը:
Արդեն այս ամառ սոցցանցում կտեղադրվեն գովազդներ «խուլիգանություն մի արա՛, խոսի՛ր» խորագրով: Իսկ աշնանը, երբ աշակերտները կվերադառնան դպրոցներ, Facebook-ը կգործարկի հատուկ հավելված, որը թույլ կտա անմիջապես հայտնել կիբերխուլիգանության դեպքերի մասին: Այս նախաձեռնության հեղինակ դեռ 4 ամիս առաջ դարձել էր ԱՄՆ նախագահ Բարաք Օբաման:
