ՄԱԿ-ի Անվտանգության խորհրդի հինգ եվրոպական երկիր Թուրքիայից պահանջել Է կանգնեցնել գործողությունը Սիրիայի հյուսիս-արեւելքում, քանի որ այն չի լուծի այդ երկրի անվտանգության խնդիրները: Այդ մասին ՄԱԿ-ի կենտրոնակայանում Սիրիայի հյուսիսի իրադրության շուրջ նախօրյակին կայացած փակ կոնսուլտացիաներից հետո հայտարարել Է ՄԱԿ-ին առընթեր Գերմանիայի մշտական ներկայացուցչի տեղակալ Յուրգեն Շուլցը, որը հանդես Է եկել ՄԱԿ-ի ԱԽ-ի «եվրոպական հնգյակի»՝ Գերմանիայի, Ֆրանսիայի, Մեծ Բրիտանիայի, Բելգիայի և Լեհաստանի, ինչպես նաև հայտարարությունը պաշտպանած Էստոնիայի անունից:
«Մենք խորապես անհանգստացած ենք Սիրիայի հյուսիս-արևելքում թուրքական ռազմակական գործողությունից,-հայտարարել Է նա:- Մենք կոչ ենք անում Թուրքիային դադարեցնել միակողմանի ռազմական գործողությունը և գտնում ենք, որ այն չի լուծի այն խնդիրները, որոնք մտահոգում են Թուրքիային»:
«Սիրիայի հյուսիս-արևելքում ռազմական գործողությունն Էլ ավելի կապակայունացնի տարածաշրջանի իրադրությունը, կխորացնի քաղաքացիական բնակչության տառապանքները և նոր փախստականների հայտնվելու պատճառ կդառնա Սիրիայում և ամբողջ տարածաշրջանում»,- հավելել Է Գերմանիայի ներկայացուցիչը: Թուրքիայի նախագահ Էրդողանը հոկտեմբերի 9-ին հայտարարել Է Սիրիայի հյուսիսում այսպես կոչված «Խաղաղության աղբյուր» գործողությունն սկսելու մասին, որն, ինչպես հայտարարվել Է՝ ուղղված Է Թուրքիայում արգելված Քրդստանի աշխատավորական կուսակցության եւ «Իսլամական պետություն» ահաբեկչական խմբավորման դեմ, հաղորդել Է ՏԱՍՍ-ը: