Վաղը վրաց հոգևորականների համար կբացվեն Դավիթ Գարեջիի վանական համալիրի վանքերը. գրում է aliq.ge-ն: Այս մասին կառավարության նիստում հայտնել է Ադրբեջանից վերադարձած Գիորգի Գախարիան: Վարչապետը չի նշել, թե արդյոք զբոսաշրջիկները ու ուխտագնացներն կկարողանան այցելել Ուդաբնոյի և Չիչխիտուրի եկեղեցիներ: Ըստ նրա, խնդիրը պետք է լուծվի՝ երկու երկրների ազգային, պատմական ժառանգության և եկեղեցու շահերից ելնելով: Հիշեցնենք, որ հոկտեմբերի 7-ին, ադրբեջանական լրատվամիջոցները տեղեկություն էին տարածել, որ Ադրբեջանը Դավիթ Գարեջիի տարածքում նոր սահմանային կետ է բացել, ինչն էլ բողոքի պատճառ էր դարձել վրացական կողմի համար: Այս կապակցությամբ Վրաստանի կաթողիկոս-պատրիարք Իլիա Երկրորդը վարչապետ Գիորգի Գախարիային նամակ էր գրել՝ նշելով․ «Մեզ համար բացարձակ անընդունելի են ադրբեջանական կողմի գործողությունները, որոնց արդյունքում 2019 թվականից զբոսաշրջիկների և հոգևորականների ուխտագնացությունը Ուդաբնոյի և Չիչխիտուրիի վանքեր սահմանափակվել են»: