Լուրեր
Ստվերային պայմանավորվածությամբ նոր պատերազմ՝ Սիրիայում. Հայաստանը գործողությունների տարբեր սցենարներ պետք է ունենա
  • 16:19
  • 2019-10-10
  • Դիտումներ՝ *

Թուրքական բանակը և օդուժը ռազմական գործողություններ է սկսել Սիրիայի հյուսիսային շրջաններում: Անկարայի նախաձեռնած հերթական օպերացիայի թիրախում հայտնվել են նաև սիրիահայերը, որոնք բնակվում են Սիրիայի այս շրջաններում: Թեմայի շուրջ «Առաջին Լրատվական»-ը զրուցել է իրանագետ Աննա Գևորգյանի և արաբագետ Արմեն Պտրոսյանի հետ:

«Ցանկացած ռազմական գործողությունների նոր փուլ, նոր ռիսկեր և նոր վտանգներ է ներկայացնում՝ անկախ նրանից կոնկրետ այդ տարածքում հայեր կան, թե ոչ: Նման դեպքերում և՛ քարոզչական, և՛բոլոր մյուս ոլորտներում թիրախավորվում են մասնավորապես ազգային փոքրամասնությունները, իսկ երբ ներխուժողը Թուրքիան, մենք պետք է առավել զգոն լինենք»,-ասաց Գևորգյանը:

Մեր զրուցակցի խոսքով՝ Սիրիա ներխուժմամբ Թուրքիան նպատակ ունի ընդլայնել իր ազդեցության գոտին և ցույց տալ, որ տարածաշրջանում կարող է հարցեր լուծել՝ հօգուտ իրեն:

Արմեն Պետրոսյանն իր հերթին շեշտեց, որ Թուրքիան այս գործողության մասին բարձրաձայնել էր դեռևս 2012-2013 թվականներից, երբ ակնհայտ էր, որ սիրիական հակամարտությունը շարունակելու է ընթանալ ռազմական հունով: «Առհասարակ այս գործողության հետ կապված կա բավականին լայն ստվերային բաղադրիչ, որը երևում է Միացյալ Նահանգների, Ռուսաստանի, Իրանի հայտարարություններում: Կարծես թե Թուրքիային որոշակի սահմաններում է արտոնվել գործողություն, եթե վերջինս անցի այդ սահմանները, հնարավոր է շատ ավելի կոշտ պատասխան»:

Մեր զրուցակիցները կարևորեցին նաև ստեղծված իրավիճակի վերաբերյալ ՀՀ Արտգործնախարարության և վարչապետ Նիկոլ Փաշինյանի ճիշտ ժամանակին արված հայտարարությունները՝ ընդգծելով, որ Հայաստանը գործողությունների տարբեր սցենարներ պետք է ունենա և ռազմական հարթությունում թեժացումների պարագայում աջակցի սիրիահայերի տարհանման գործընթացին:

Առավել մանրամասն՝ տեսանյութում:

  • Դիտումներ՝ *