ԱԺ ԼՀԿ խմբակցության ղեկավար Էդմոն Մարուքյանը վստահ է, որ նոր Հայաստանում չի կարող լինել մի իրավիճակ, որ իշխանությունն ունենա ռազմականացված թև.«Բալասանյանի այդ ենթադրությունները օդից վերցրած են»: «Բոլոր այն մոտեցումները, որով փորձ է արվում Ռոբերտ Քոչարյանին գերբնական ուժեր վերագրել, աղերս չունեն իրականության հետ: Նույնը վերաբերում է ընդդիմությանը, Վիտալի Բալասանյանին…Վիտալի Բալասանյանը միացել է խափանման միջոցը՝ կալանքը, վերացնելու, ազատ արձակելու այդ հայտարարությանը. իրենց թիմակիցն է, ընկերն է ու միացել է: Ես այստեղ ոչ մի բան չեմ տեսնում: Հաջորդը` Վիտալի Բալասանյանը նախագահի թեկնածու է և կմասնակցի ընտրություններին: Ես չեմ կարծում, որ իր այսօրվա հռետորաբանությունը որևէ կերպ օգուտ կբերի իրեն հենց իր նախագահական քարոզարշավում, որովհետև Արցախում ժողովուրդը ձայն չի տա այն մարդկանց, ովքեր հարաբերություն են սրում Հայաստանի իշխանությունների հետ: Դա անապագա, անհեռատես օրակարգ է»,-«Առաջին լրատվական»-ի հետ զրույցում ասաց ԱԺ ԼՀԿ խմբակցության ղեկավար Էդմոն Մարուքյանը: