Հնդկաստանի Օդիշա նահանգի բնակչուհին մեկ ժամ կռվել է իրեն բռնած կոկորդիլոսի հետ և ողջ է մնացել: Այդ մասին հայտնում է Odisha TV-ն։
Սաջանի Մալիկը եկել է Բիտարկանիկա ազգային պարկի մերձակայքում գտնվող Բայտարանի գետը՝ ճաշի ընդմիջման ժամանակ սպասքը լվանալու համար:
Կնոջ խոսքով՝ կոկորդիլոսը հարվածել է նրան իր պոչով և վայր գցել, որից հետո բռնել է վերջույթները և փորձել է նրան քաշել ջրի մեջ:
Մալիկը մեկ ժամ կառչել է ծառից՝ իր կյանքը փրկելու համար:
Կինը հայտնաբերվել է աշխատանքային գործընկերների կողմից այն բանից հետո, երբ նա չի վերադարձել ճաշի ընդմիջումից: Նրանց հաջողվել է քշել կոկորդիլոսին և Մալիկին հասցնել հիվանդանոց:
