Եվրախորհրդարանում գաղտնի քվեարկության արդյունքում կազմվել է Մտքի ազատության համար Անդրեյ Սախարովի անվան մրցանակի թեկնածուների ցուցակը:
Առաջին եռյակում են երկու բրազիլուհի իրավապաշտպաններ Մարիել Ֆրանկուն (սպանվել է 2018 թվականի մարտին) և Կլաուդելիսե Սիլվա դոս Սանտոսը: Ինչպես նաև Բրազիլիայի հնդկացիների իրավունքների համար պայքարող առաջնորդ Ռաոնին:
Բրազիլացիներից բացի ցուցակում են հայտնվել տնտեսագետ Իլհամ Տոհթին, որը պաշտպանում է Չինաստանում ազգային փոքրամասնություն կազմող ույգուրների իրավունքները, և քենիացի հինգ ուսանողներից կազմված The Restorers խումբը, որոնք հեռախոսային հավելված են ստեղծել կանանց թլպատման զոհ դարձած աղջիկների համար:
Ուշագրավ է, որ այս տարի թեկնածուների ցանկում է եղել նաև ռուս ընդդիմադիր գործիչ Ալեքսեյ Նավալնին, որի թեկնածությունը առաջադրել էր խոշորագույն Եվրոպական ժողովրդական կուսակցությունը, սակայն նա շորթ-լիստում չի հայտնվել:
