ԱՄՆ-ի նախագահ Դոնալդ Թրամփը հայտարարել է, որ ԱՄՆ-ը Սիրիայում չի լքել քրդերին և կշարունակի աջակցել նրանց՝ տեղեկացնում է RIA Novosti-ն:
«Գուցեև մենք Սիրցիայից հեռանալու գործընթացում ենք, բայց մենք ոչ մի կերպ չենք լքել քրդերին, որոնք առանձնահատուկ մարդիկ են և հիանալի մարտիկներ»,-գրել է Թրամփը Tweitter-ում:
Նա հավելել է, որ ԱՄՆ-ը քրդերին օգնում է ֆինանսապես, ինչպես նաև զենքով:
Թրամփը, հոկտեմբերի 7-ին մեկնաբանելով Սիրիայի իրադրությունը, հայտարարել էր, թե ժամանակն է, որ Միացյալ Նահանգները «դուրս գա այդ անվերջ պատերազմներից» և տուն վերադարձնի ամերիկացի զինվորներին: «Միացյալ Նահանգները, ինչպես ենթադրվում էր, պետք է Սիրիայում լիներ 30 օր «…»: Մենք մնացինք և ավելի ու ավելի խորն էինք խրվում կռվի մեջ՝ առանց տեսանելի նպատակի:
«…», Բայց մեզ համար եկել է ժամանակը՝ դուրս գալու այդ անհեթեթ «անվերջ պատերազմներից»: «…» և տուն վերադարձնելու մեր զինվորներին»,- գրել էր պետության ղեկավարն իր Twitter-ում: «Այժմ այդ իրադրությունից պետք է գլուխ հանեն Թուրքիան, Եվրոպան, Սիրիան, Իրանը, Իրաքը, Ռուսաստանն ու քրդերը»,- հավելել էր Թրամփը: