Թերթի տեղեկություններով՝ առաջիկա ընտրություններին ընդառաջ փոփոխություններ է կրելու ընտրատարածքների քարտեզը.
«Ժամանակին ընտրատարածքները ձևել են ըստ կոնկրետ անձանց, որպեսզի ոմանց զրկեն Ազգային ժողով մտնելու հնարավորությունից, կամ հակառակը՝ ոմանց համար հատուկ հեշտացնեն Աժ մտնելը: Ասենք, Էրեբունի համայնքը բաժանվել է երեք ընտրատարածքի, որի մի մասը միացած է Շենգավիթ համայնքին, մյուսը՝ Նորագավիթին: Հիմա, փաստորեն, ուզում են կրկին վերաձևել քարտեզը՝ հիմք ընդունելով յուրաքանչյուր ընտրատարածքում ընտրողների 30-32 հազար քանակը»,- գրում է թերթը և հավելում.
«Մեր տեղեկություններով՝ Էրեբունու մի համայնքում առաջադրվելու է Մհեր Սեդրակյանը, մյուսում՝ էդուարդ Մադաթյանի որդին, որն ավագանու անդամ է: Իսկ Մադաթյանը հավանաբար կմտնի կուսակցական ցուցակ։ Նրանք, քանի որ խնամիներ են, որոշել են միմյանց դեմ չդնել թեկնածությունները և Էրեբունին հավասար կիսել են իրար մեջ: Ի դեպ, Մհեր Սեդրակյանի առաջադրումը համաձայնեցված է ՀՀ նախագահի հետ:
