Վիետնամի դատարանները մեկ օրում մահապատժի են դատապարտել թմրանյութերի տարածման մեջ մեղադրվող 11 մարդու: Եվս երեք թմրավաճառի ցմահ ազատազրկում է սպառնում, հայտնում է Vietnam Express-ը:
Պարբերականի տվյալներով, Հոշիմին քաղաքի դատարանը երկիր ծանր թմրամիջոցներ, այդ թվում՝ հերոին, ներկրող խմբավորման ութ անդամների դատապարտել է մահապատժի: Նրանց մեկ այլ հանցակից դատապարտվել է ցմահ բանտարկության: Հաղորդվում է, որ նրանք մեծ քանակությամբ արգելված նյութեր ներմուծելու համար օգտագործել են Դանանգ նավահանգիստը:
Նույն օրը Սոնգ Լա հյուսիսային նահանգում դատարանը մահապատժի է դատապարտել ևս երեք վիետնամցի թմրավաճառների: Նրանց հանցակիցներից երկուսը դատապարտվել են ցմահ, իսկ մեկը՝ 18 տարվա ազատազրկման:
Պարբերականը հայտնում է, որ երկրում մաքսանենգության և թմրանյութերի ապօրինի շրջանառության դեպքերն աճել են՝ չնայած աշխարհի ամենախիստ օրենքներից մեկին: Այսպիսով, մահապատիժ է նախատեսվում 600 գրամ հերոին կամ 2.5 կգ այլ արգելված նյութեր պահելու և 100 գրամ հերոին կամ 300 գրամ այլ թմրանյութեր տարածելու համար: