«Այո, այսօր աշխարհում հաղթում են նախաձեռնությունների և որոշումների կայացման ապակենտրոնացված մեխանիզմները, և սա որոշակի ուղերձ պետք է լինի ՀՀ-ին, նոր Հայաստանին»,- «Առաջին լրատվական»-ի հետ զրույցում ասաց Տավուշի մարզպետ Հայկ Չոբանյանը՝ անդրադառնալով Երևանում ընթացող ՏՏ համաշխարհային 23-րդ համաժողովին և դրա կարգախոսին՝ «Ապակենտրոնացման ուժը»:
Մեր զրուցակցի համոզմամբ՝ հաջողության ճանապարհը անհատական ջանքն է. «Եվ թող այս միջոցառումը լրացուցիչ ուղերձ լինի: Մենք ունենք հսկայական պոտենցիալ, որը դեռ իրացված չէ»:
Տավուշի մարզպետը կարծում է, որ էական փոփոխություններ կան անելու պետական կառավարման ոլորտում դեպի տեղեկատվական կամ թվային միջավայր:
«Մինչև տարեվերջ մենք բոլոր դպրոցներում կունենանք տեխնոլոգիական խմբակներ»,- վստահեցրեց մարզպետը:
Առավել մանրամասն՝ տեսանյութում: