Ի՞նչ տվեց Սահմանադրական դատարանի շուրջ տևական վեճը: «Առաջին լրատվական»-ի հետ զրույցում քաղաքագետ Լևոն Շիրինյանը, այս հարցին ի պատասխան, նշեց. «Նախ պարզվեց, որ դա սնամեջ կառույց է, որը ծառայել է գողապետությանը: Եվ շատ լավ է, որ պատգամավոր Արման Բաբաջանյանն այդ կառուցի վերաբերյալ պարզություն մտցնելու համար հայտ ներկայացրեց դատախազություն: ՍԴ նախագահը և անդամները ծառայել են, եղել են կատարող: Նրանք պետք է պատժվեն: Ռեժիմը կերակրել է հլու-հնազանդ ծառայողներին, և նրանք օրենքի մեջ են դրել ամեն մի անօրինականություն»:
Անդրադառնալով դիտարկմանը, որ ՍԴ է ուղարկվել ԱԺ դիմումը Հրայր Թովմասյանի պաշտոնանկության վերաբերյալ՝ Լևոն Շիրինյանը նշեց, որ իրականում Սահմանադրական դատարանը զրկված է լեգիտիմությունից. «Պետք է ՍԴ-ն կարգի բերել: Եթե իրենք հայրենիքի նկատմամբ պատասխանատվություն ունենային, հեղափոխությունից հետո պետք է ասեին՝ ««Մավրը» գործն արել է, բայց նա գնաց, բայց այդ տարբերակը չեղավ Հայաստանում. Սահմանադրական դատարանը դիմադրում է: Փորձում են Հայաստանին ամենավատ ու վտանգավոր իրավիճակների մեջ ներքաշել՝ ընդհուպ արտաքին միջամտությամբ: Հավանաբար ինչ-որ տեղից ինչ-որ բանի են սպասում, բայց միջամտություն չի լինելու»:
Քաղաքագետի խոսքով՝ ճիշտ կլինի, որ ՍԴ անդամները «հանձնվեն»՝ ապացուցեն իրենց արդարությունն ու հանգիստ հեռանան:
Մանրամասն՝ տեսանյութում: