Հոկտեմբերի 4-ին մամուլում տեղեկատվություն հայտնվեց առ այն, որ Երևանի Ֆանարջյանի անվան ուռուցքաբանական ազգային կենտրոնում ծեծկռտուք է տեղի ունեցել։ Մասնավորապես նշվում էր, որ կենտրոնի տնօրենի ժամանակավոր պաշտոնակատար Նարեկ Մանուկյանը ծեծի է ենթարկել բժիշկ Վահագն Համբարձումյանին, որը փորձել էր պարզել, թե ինչու է պարոն Մանուկյանն աշխատանքից ազատել իր հորը։
Ի՞նչ կասեիք այս առնչությամբ․ «Առաջին լրատվական»-ի հարցին Երևանի Ֆանարջյանի անվան ուռուցքաբանական ազգային կենտրոնի տնօրենի ժամանակավոր պաշտոնակատար Նարեկ Մանուկյանը պատասխանեց․ «Դեպքը ներկայացնեմ հոկտեմբերի 30-ից, երբ աշխատանքային օրվա ընթացքում ինձ է մոտենում մեր կենտրոնում մոտ տաս օր առաջ մահացած հիվանդի կինը և ներկայացնում է, որ իր ամուսնուն վիրահատող վիրաբույժը վիրահատության համար 400 հազար դրամ գումար է վերցրել։ Ասեմ, որ ցանկացած բժիշկ իրավունք չունի առձեռն գումար վերցնել՝ նման ընթացակարգ գոյություն չունի։ Եթե ծառայությունը վճարովի է, ապա գումարի վճարումը կատարվում է դրամարկղում, իսկ անվճարի դեպքում, բնական է, որ գումարի մասին խոսք լինել չի կարող։ Տվյալ դեպքում ծառայությունը եղել է անվճար։
Կնոջ կողմից գրավոր դիմում ներկայացնելուց հետո ինձ մոտ եմ հրավիրել վիրաբույժին՝ Համբարձումյան Գագիկին, և ներկայացրել եմ խնդիրը։ Նա ասել է, որ գումարը որոշակի գործիքների համար է։ Ես նրան ասել եմ, որ ամեն դեպքում այդ գումարը նրան պետք է առձեռն չտրվեր։ Չնայած այն բանին, որ այնտեղ կասկածներ կային, որ այդ ամենը չի օգտագործվել, դրանով թող պատկան մարմինները զբաղվեն»։
Մանրամասները՝ տեսանյութում։