Երևանի ընդհանուր իրավասության դատարանում մեկնարկել է Մարտի 1-ի գործով դատական նիստը։
Մարտի 1-ի գործով Սահմանադրական դատարանը խորհրդատվության համար դիմել է ՄԻԵԴ, որն ընդունվել է վարույթ։ ՄԻԵԴ-ից ստացված պատասխանն ի՞նչ ընթացք կարող է ունենալ դատական նիստի վրա․ «Առաջին լրատվական»-ի հարցին ԱԺ պետաիրավական հանձնաժողովի նախագահ Վլադիմիր Վարդանյանը պատասխանեց․ «Գիտեք, անշնորհակալ և անիրավաչափ գործ է՝ ակնկալել հստակ պատասխան որևիցե դատական ատյանից, այդ թվում՝ ՄԻԵԴ-ից, որովհետև դատարաններն առաջնորդվում են այն իրավական փաստաթղթերով, որոնք ընկած են իրենց առարկայական լիազորության ներքո։ Առաջնորդվելով դրանով և մեկնաբանելով առկա իրավական դիրքորոշումները, որոնք ձևավորված են եղել, դատարանը տալիս է որոշում»։
Իսկ հնարավո՞ր է, որ այն ավելի խճճի այս թնջուկը․ «Առաջին լրատվական»-ի հարցին Վլադիմիր Վարդանյանը պատասխանեց․ «Շատ հնարավոր է։ Ոչ միշտ է, որ ՄԻԵԴ որոշումներն օգնել են այս կամ այն իրավիճակի լուծման հարցում։ Շատ դեպքերում դրանք ավելի խորքային են դարձրել տվյալ հարցերի լուծումը։ Բայց այս դեպքում մենք գործ ունենք ոչ թե ՄԻԵԴ որոշման հետ, այլ խորհրդատվության»։