Դանիայի վարչապետ Մետե Ֆրեդերիքսենը արտասովոր հույզեր է առաջացրել խորհրդարանի բաց նիստի ընթացքում: Այս մասին հաղորդում է Denmarks Radio-ն:
Ելույթը նվիրված էր կառավարության կողմից կրկեսի կենդանիներ ձեռք բերելուն: Ֆրեդերիքսենը պատմել է, որ իշխանությունները 4 փիղ են ձեռք բերել, որոնցից մեկը Ալի անունով ուղտ ընկեր է ունեցել, այդ պատճառով, կենդանիներին իրարից չբաժանելու համար, պաշտոնյաները որոշել են նաև ուղտի համար վճարել:
Զեկույցը կարդալու ընթացքում վարչապետը սկսել է ծիծաղել, ինչն իր հերթին ծիծաղի ալիք է բարձրացրել դահլիճում:
Մի որոշ ժամանակ անց խորհրդարանի անդամները հանգստացել են և կարողացել են վերադառնալ այլ թեմաների քննարկմանը:
