Ըստ նախնական քվեարկության արդյունքների յոթ կին դարձել է Արաբական Միացյալ Էմիրությունների դաշնային ազգային խորհրդի՝ հիմնականում խորհրդատվական գործառույթ ունեցող խորհրդարանի, պատգամավոր:
Յոթ կին պատգամավոր է ընտրվել, ինչը մեծ առաջընթաց է 2015-ի ընտրությունների համեմատ, երբ միայն մեկ կին էր օրենսդիր դարձել Ռաս ալ-Խայմա էմիրությունից: Օրենսդիր ժողովում տղամարդկանց և կանանց հավասար ներկայացվածության մասին երկրի նախագահի հրամանի համաձայն էմիրությունների ղեկավարների նշանակումով ևս 13 կին տեղ կստանա խորհրդարանում, որտեղ 40 պատգամավորներից 20-ը նշանակվում են էմիրությունների ղեկավարների կողմից:
Դաժան պայքար է տեղի ունեցել քսան պատգամավորական տեղի համար. դրան հավակնել են 479 էմիրատցիներ, այդ թվում՝ 180 կանայք:
Ընտրություններին քվեարկել է ավելի քան 117 հազար ընտրելու իրավունք ունեցող էմիրատցի, ինչը գրեթե 80 հազարով ավելին է, քան 2015-ի ցուցանիշը: Այնուամենայնիվ, սա ԱՄէ-ում ընտրելու իրավունք ունեցող ընտրողների ընդհանուր թվի ընդամենը մեկ երրորդն է: