Ինչպես տեղեկացնում է «Գրուզիա Օնլայն»-ը, Վրաստանի նախկին նախագահ Միխայիլ Սաակաշվիլու խոսքով՝ ԱՄՆ նախագահ Դոնալդ Թրամփը ընտրարշավի ընթացքում ամենուրեք հայտարարել է, որ ծանոթ է իր հետ։ Այս մասին Սաակաշվիլին պատմել է երիտասարդ մարքետոլոգների հետ Օդեսայում հանդիպման ժամանակ:
«Թրամփը եկավ Բաթում և ասաց, որ հինգ տարի հետո այն աշխարհի լավագույն քաղաքն է դառնալու։ Նա դա ոչ թե ինձ, այլ ամերիկյան հեռուստաալիքով է ասել։ Ինչո՞ւ էր նա եկել։ Ինչո՞ւ մեզ գովեց։ Եկավ ու հրավիրեց իր տուն։ Ինձ հետ քայլում էր Նյու Յորքի փողոցներում, թատրոն, ռեստորաններ, որովհետև բոլորը սիրում են հաջողության հետ ասոցացվել։ Այն ժամանակ նա դեռ ԱՄՆ նախագահի թեկնածու էր և ցանկանում էր, որպեսզի իրեն ասոցացնեն հաջողության հետ։ Նա ամենուրեք ասում էր՝ ես ճանաչում եմ Սաակաշվիլուն, ինչ կարգին մարդ է Սաակաշվիլին։ Ես եկա Բաթումից, որը լավագույն քաղաքն է աշխարհում։ Նրանք կրթության և հարկման լավագույն համակարգն ունեն»,- Օդեսայում ելույթի ժամանակ Սաակաշվիլու խոսքերն է մեջբերել գործակալությունը։
