ԱՄՆ նախագահ Դոնալդ Թրամփը ոմն Ռիչարդ Կետայի է հորինել, որը իրեն աջակցության նամակ է ուղարկել: Նման կասկածանքով հանդես է եկել ամերիկյան Palmer Report բլոգը:
Ամեն բան սկսվել է այն բանից հետո, երբ Թրամփը թվիթերում երկար գրառում է արել, իսկ հետո այդ խոսքերը վերագրել է մի մարդու, որի մասին ոչ ոք երբեք ոչինչ չի լսել, ասվում է բլոգում:
«Եվ մենք անգամ համոզված էլ չենք, որ այդ մարդն իրականում գոյություն ունի»,- ընդգծել է կայքը:
Տեքստում ոմն Կետայ ասում է, որ վրդովված է այն բանից, թե ԱՄՆ-ում ինչ քաղաքականություն են ներկայումս վարում ընդդեմ Թրամփի՝ փորձելով մեղադրել նրան Ուկրաինայի նախագահ Վլադիմիր Զելենսկու նկատմամբ ճնշում գործադրելու մեջ:
«Ես հաճախ չեմ վրդովվում դեմոկրատների վարած քաղաքականությունից… Բայց այս անգամ ես խիստ զայրացած եմ: Ես ուշադիր կարդացի զրույցի սղագրությունը… և չկարողացա նախագահի ծանր հանցանքի հետքեր գտնել»,- գրել է ոմն Կետայ՝ Թրամփին:
Palmer Report-ը կասկածում է, որ ԱՄՆ նախագահը ինքը կարող էր գրել այդ բառերը և որպես ուրիշի խոսք ներկայացներ, չէ որ դրանք հենց իր մտքերն են արտահայտում այդ գործի կապակցությամբ:
