Գերմանիայի արտաքին գործերի նախարար Հայկո Մաասը հանդես Է եկել հօգուտ այն բանի, որ Եվրամիությունը պատասխան միջոցներ ձեռնարկի ԱՄՆ-ի իշխանությունների կողմից ԵՄ-ի երկրների ապրանքների ու ծառայությունների վրա մաքսատուրքերի սահմանման դեպքում: Այդ մասին նա հայտարարել Է Funke մեդիախմբին տված հարցազրույցում, որը հրապարակվել Է հոկտեմբերի 4-ին:
«ԵՄ-ն այժմ պետք Է արձագանքի և Առևտրի համաշխարհային կազմակերպության հավանությունից հետո, թերևս, տուգանային մաքսեր սահմանի իր կողմից»,-ասել Է նախարարը: Նրա կարծիքով՝ ԱՄՆ-ը «մերժեց փոխընդունելի որոշման գալու ԵՄ-ի առաջարկը և դրա փոխարեն գնաց առճակատման ճանապարհով»: «Մենք դա ճիշտ չենք համարում, քանի որ դրա համար վճարելու են աշխատողներն ու սպառողները Ատլանտիկայի երկու կողմում»,-նշել Է Մաասը: ԱԳ նախարարն ընդգծել Է, որ Եվրոպան առաջվա պես պատրաստ Է ԱՄՆ-ի հետ համատեղ մշակել ավիաարդյունաբերության սուբսիդավորման ընդհանուր կանոններ: Ինչպես հոկտեմբերի 2-ին հայտնել Է CNBC ամերիկյան հեռուստաալիքը, վկայակոչելով առևտրական բանակցություններում ԱՄՆ-ի ներկայացուցչի աշխատակազմին, Միացյալ Նահանգները մտադիր Է ԱՀԿ-ի արբիտրաժի որոշման լույսով մաքսատուրքեր սահմանմանել Եվրամիության երկրներից ներմուծվող մարդատար ինքնաթիռների և գյուղատնտեսական արտադրանքի վրա: Ինքնաթիռների համար մաքսատուրքերը կկազմեն 10 տոկոս, գյուղատնտեսական մի քանի անուն արտադրանքի և այլ ապրանքների համար՝ 25 տոկոս: Դրանք ուժի մեջ կմտնեն հոկտեմբերի 18-ին: Հոկտեմբերի 2-ին ավելի վաղ ԱՀԿ-ի արբիտրաժը ԱՄՆ-ին թույլատրել Է Եվրամիության երկրների ապրանքների ու ծառայությունների վրա մաքսեր սահմանմանել գրեթե 7,5 մլրդ դոլարի չափով այն բանի կապակցությամբ, որ ԵՄ-ի չի կատարել ավելի վաղ կազմակերպության կողմից ընդունված որոշումները, որոնք վերաբերում են Airbus կորպորացիայի սուբսիդավորմանը, հաղորդել Է ՏԱՍՍ-ը:
