Ծխողների շրջանում հեղինակության աճի հետ մեկտեղ մեծանում է ուշադրությունն IQOS-ի հանդեպ գիտնականների, բժիշկների և զանգվածային լրատվամիջոցների կողմից: Հետաքրքրության հետ մեկտեղ՝ առաջանում են հարցեր: Հենց սարքի մասին բավականին շատ տեղեկություններ են հասանելի՝ թե՛ հենց արտադրող ընկերության, և թե՛ բազմաթիվ հետազոտությունների և անկախ աղբյուրների կողմից: Այնուամենայնիվ, Heets գլանակների մասին տեղեկությունները քիչ են: Ինչի՞ց են դրանք պատրաստված: Թութու՞ն է ներսում: Ինչու՞ է գլանակում ֆիլտր տեղադրված: Ֆիլտրում առկա՞ է պլաստիկ, և արդյո՞ք այն չի հալչի:
Ստորև տեսե՛ք
- Ինչի՞ց է բաղկացած Heets գլանակը
- Ինչպե՞ս է չորացվում Heets-երի համար նախատեսված թութունը
- Ինչի՞ց է պատրաստված IQOS գլանակների ֆիլտրը:
- Ինչպե՞ս են ստացվում Heets գլանակների բուրավետ համերը
- Ինչի՞ համար է ֆոլգան անհրաժեշտ գլանակների ներսում
Ինչի՞ց է բաղկացած Heets գլանակը
Գլանակը բաղկացած է երկու մասից՝ թութունից և ֆիլտրից: Գլանակի ներսում մի փոքր ավելի քիչ թութուն կա, քան սիգարետում, այն նաև շատ խիտ սեղմված է: Սակայն IQOS տեխնոլոգիան մշակված է այնպես, որ շատ թութուն անհրաժեշտ չէ: Այն ավելի խնայողաբար է օգտագործվում, քանի որ ի տարբերություն սիգարետի, որի դեպքում թութունն այրվում է, իսկ դրա երկու երրորդն ուղղակի վերածվում է մոխրի, IQOS-ը տաքացնում է թութունը:
Heets-երի թութունը տեսողականորեն տարբերվում է սիգարետինից մշակման տեխնոլոգիայով:
Ինչպես են աճացնում Heets-երի թութունը
Գլանակների ներսում հենց նույն թութունն է, ինչ սիգարետում: Երկուսի դեպքում էլ օգտագործվում է երեք տեսակ ՝ Վիրջինիա (Virginia), Բերլեյ (Burley) և Օրիենտալ (Oriental): Տեսակներից յուրաքանչյուրը իր առանձնահատկություններն ու համն ունի: Օրինակ՝ Վիրջինիան թութունի առավել տարածված տարատեսակն է: Այն զբաղեցնում է թութունի համաշխարհային արտադրության 70%-ը: Այն ունի ամենաթեթև և քացր բույրը, քանի որ տերևներում պարունակվում է մեծ քանակությամբ գլյուկոզա: Հիմնականում այս տեսակն աճեցվում է Բրազիլիայում և ԱՄՆ-ում:
Բերլեյը (կամ Բերլին) – թութունի տեսակներից ամենախիտն է: Հենց այս տեսակն է համին ավելացնում դառնություն ու հագեցվածություն: Շաքարի պարունակությունն այս տեսակում ցածր է, իսկ նիկոտինի պարունակությունը՝ բարձր: Բերլին սիգարների հիմնական բաղադրիչն է:
Օրիենտալ – թութունի այս տեսակն ամենաբուրավետն է: Հիմնականում աճեցվում է արևոտ միջերկրածովյան երկրներում` Թուրքիայում և Հունաստանում, Բալկաններում:
Ինչպե՞ս են չորացնում և ընտրում IQOS-ի համար նախատեսված թութունը
Հասունացած տերևները հավաքում և չորացնում են կամ բնական ճանապարհով, կամ հատուկ չորացնող մեքենաներում: Այդ փուլից էլ սկսվում են սիգարետի և IQOS գլանակների մշակման տարբերությունները: Չորացած տերևներից ընտրում են էլաստիկ, ոչ շատ խիտ տերևները: Արտադրողի ներկայացրած տեղեկությունների համաձայն՝ թութունի տարեկան բերքի միայն 13%-ն է համապատասխանոււմ գլանակների որակի չափանիշներին: Չորացնելուց հետո գլանակների համար նախատեսված թութունի տերևներից առանձնացվում է փափուկ միջուկը՝ մի կողմ թողնելով ցողունային մասերը, որոնք հետո ավելացվում են սիգարետային խառնուրդներին: Սիգարետի դեպքում հաջորդ քայլը հանդիսանում է թութունի մանր կտրատումը, իսկ IQOS-ի գլանակների դեպքում թութունը մանրեցվում է՝ վերածվելով փոշու: Թութունային փոշին թաթախվում է գլիցերինի և պրոպիլեն գլիկոլի մեջ: Ի դեպ՝ սիգարետային թութունի մեջ նույնպես ավելացվում է պրոպիլեն գլիկոլ: Սա մի թափանցիկ, մի քիչ մածուցիկ նյութ է, որը չունի հոտ: Այն օգտագործվում է սննդի և ծխախոտային արդյունաբերության մեջ և ունի մանրէասպան և խոնավություն պահպանելու հատկություն:
Սիգարետում և IQOS գլանակներում պրոպիլեն գլիկոլը պաշտպանում է թութունը չորանալուց: Գլիցերինը շատ տարածված բաղադրիչ է կոսմետիկայի, բժշկության և սննդի արդյունաբերության մեջ: Գրեթե յուրաքանչյուր խոնավեցնող քսուք, այդ թվում՝ երեխաների համար նախատեսված, պարունակում է գլիցերին: Այն նաև հանդիսանում շնչառական ուղիների հիվանդությունների համար նախատեսված ինհալացիայի լուծույթների, ինչպես նաև հազի և կոկորդի դեղամիջոցների բաղկացուցիչ մաս: Սննդային գլիցերինը օգտագործվում է կոնֆետների (օրինակ՝ շոկոլադե սալիկներ, զեֆիր, պաստիլա, մարմելադ, իրիս, ցանկացած «փափուկ» շոկոլադ), ինչպես նաև խմորեղենների, տորթերի մաստիկայի, ալկոհոլային լիկյորների, մաստակի և մի քանի հարյուր այլ պրոդուկտների արտադրության մեջ:
Գլանակների թութունը անհրաժեշտ է թաթախել գլիցերինի մեջ, որպեսզի տեղի ունենա աէրոզոլի գոլորշիացում: Առանց դրա գոլորշիացումը շատ թույլ կլինի: Կարող եք ինքներդ փորձել լցնել չոր թութունը թավայի վրա և այն տաքացնել: Ոչինչ տեղի չի ունենա: Բայց եթե նույնիսկ մի քիչ ջուր ավելացնեք, բուրավետ գոլորշի կառաջանա:
Ինչի՞ց է պատրաստված IQOS գլանակների ֆիլտրը:
Առաջին հերթին՝ պարզենք, թե ինչու է ընդհանրապես գլանակներին ֆիլտր անհրաժեշտ: Չէ՞ որ չկա այրում, ծուխ և խեժ, ի՞նչն է պետք ֆիլտրել: Ֆիլտրի հիմնական գործողությունը կայանում է աէրոզոլը մինչև ներքաշելու համար հարմար ջերմաստիճան սառեցնելը և դրանից խոնավության ավելցուկը հեռացնելը: Ֆիլտրն ինքին նման չէ սիգարետի ֆիլտրի: Սիգարետի դեպքում ֆիլտրը պետք է մաքրի ծուխը գոնե մեծ մասնիկներից և այրման պրոդուկտներից՝ մոխրից, մրից, այրված թղթի և թութունի մնացորդներից: IQOS գլանակներում ֆիլտրը բաղկացած է երեք տարրերից՝ երկու ացետատային օղակ ուղղակի ֆիքսում և ամրացնում են գլխավոր մասնիկը՝ պոլիլակտիդային ֆիլտրը:
Ֆիլտրում ամենակարևոր բաղադրիչը բիոպոլիմերային շերտն է: Եթե այն շրջենք, այն նման կլինի բարակ թաղանթի: Այն պատրաստված է պոլիլակտիդից, որը ստացվում է պոլիլակտիկ թթվից (որն իր հերթին ստացվում է եգիպտացորենի օսլայից և շաքարեղեգից):
Միայն բնական նյութեր պարունակելու շնորհիվ պոլիլակդիդը կենսաբաշխելի է: Կոմպոստավորվելիս այն 1-3 ամսվա ընթացքում ամբողջովին վերածվում է ածխաթթու գազի և ջրի: Պոլիլակտիդը նաև լայնորեն կիրառվում է բժշկության մեջ (օրինակ՝ ինքնաներծծվող վիրաբուժական թելերի պատրաստման համար) կամ կենսաբաշխելի սպասքի արտադրության ընթացքում: Երբ ֆիլտրը ներքաշում է աէրոզոլի ավելորդ խոնավությունն ու տաքությունը, բիոպոլիմերային թաղանթը խտանում է և մի քիչ մգանում: Սա պոլիլակտիդի սովորական ռեակցիան է տաք խոնավության հետ շփմանը: Շատերին հետաքրքրում է այն հարցը, թե արդյոք ֆիլտրն այդ ընթացքում չի արտադրում վնասակար նյութեր: Պատասխանն է՝ ոչ: Առաջին հերթին ֆիլտրը պատրաստված է ոչ թե պլաստիկից, այլ օրգանական նյութերից, որոնք լուծվում են ջրում և ածխաթթու գազում: Երկրորդ, պոլիլակտիդի առաջացման ջերմաստիճանը սկսվում է 250⁰С-ից: Աէրոզոլի ջերմաստիճանը մի քանի անգամ ցածր է, այլապես այն ուղղակի անհնար կլիներ ներքաշել: Փորձեք եռացող թեյնիկի վրա շնչել: Ավելի ճիշտ՝ փորձեք աչքի լորձաթաղանթի այրվածքներ չստանալ: Եվ այդ այն դեպքում, երբ եռացող ջրի ջերմաստիճանն ընդամենը 100⁰С է:
Ինչպե՞ս են ստացվում Heets գլանակների բուրավետ համերը
Heets գլանակնրերը ունեն 3 մաքուր թութունի համ (Amber, Bronze, Yellow) և 3 բուրավետ համ (Purple, Green Zing, Turquoise). Հաճախ հարց է առաջանում այն մասին, թե ինչպես են գլանակներում լրացուցիչ համեր ավելացվում՝ մենթոլ, ցիտրուս, անտառային հատապտուղներ: Արոմատիզացիան տեղի է ունենում ոչ թե թութունը բուրավետ նյութերի մեջ թաթախելու շնորհիվ, այլ ֆիլտրում տեղադրված հատուկ բուրավետ թելի շնորհիվ: Այսինքն՝ IQOS-ը տաքացնում է սովորական բնական թութուն: Իսկ հատապտուղների կամ մենթոլի համային բույրն աէրոզոլը ստանում է ֆիլտրով անցնելիս:
Ինչի՞ համար է նրբաթիթեղն անհրաժեշտ գլանակների ներսում
Գլանակի թղթային փաթաթանի ներքին մասը ցողված է ֆոլգայով: Այն չունի ինչ-որ գաղտնի գործառույթ, այլ ուղղակի պաշտպանում է գլանակները, որպեսզի դրանք հնարավոր չլինի վառել կամ փորձել սիգարետի նման ծխել:
Աղբյուրը՝ unian.net