Ինչպես հենց նոր հաղորդել է Reuters գործակալությունը, Հյուսիսային Կորեան ռմբակոծել է Հարավային Կորեային պատկանող կղզիներից մեկը: Այս մասին գործակալությանը հայտնել են հարավկորեական զինվորական գերատեսչությունից: Այս պահին այրվում են մի քանի տասնյակ բնակելի տներ: Սակայն դեռ հայտնի չէ զոհերի եւ վիրավորների մասին:
Կորեայի նախագահն այս պահին խորհրդակցություններ է անցկացնում ուժային կառույցների ղեկավարների հետ: Ռմբակոծության գոտի են ուղարկվել ռազմական օդանավեր: Հարավային Կորեայի նախագահը Հյուսիսային Կորեայից պահանջել է դադարեցնել սադրանքները` խուսափելու համար լայնածավալ ռազմական գործողություններից: Այս պահին հայտնի է, որ հարավկորեական ուժերը իրականացրել են պատասխան գործողություններ:
Հարավկորեական զինված ուժերում կան վիրավորներ: Պաշտոնական հաղորդագրությունների համաձայն՝ մեկ մարդ զոհվել է, տասներեքը՝ վիրավորվել:
