Օդեսայի մարզի նախկին նահանգապետ, Վրաստանի նախկին նախագահ Միխայիլ Սահակաշվիլին իր «առևանգման և Ուկրաինայից ապօրինի վտարման» հետ կապված բողոք է ներկայացրել երկրի գլխավոր դատախազություն: Քաղաքական գործիչն իր ֆեյսբուքյան էջում շեշտել է, որ հանցավոր գործողություններն իրականացվել են նախկին նախագահ Պետրո Պորոշենկոյի անձնական պատվերով:
Սահակաշվիլին գրել է, որ առևանգումն իրականացվել է Պորոշենկոյի պահակախմբի, ինչպես նաև «սահմանապահների համազգեստ կրող Կոնոնենկոյի անձնական թիկնապահների» կողմից:
Այս գործողությունների համար Օդեսայի մարզի նախկին ղեկավարը Ուկրաինայի հինգերորդ նախագահի համար բազմամյա պատիժ է ակնկալում:
Ավելի վաղ հայտնի է դարձել, որ Ուկրաինայի գլխավոր ռազմական դատախազ է նշանակվել Սահակաշվիլիի ընկերը՝ Վիկտոր Չումակը: