Իրանի նախագահ Հասան Ռոհանին, հոկտեմբերի 2-ին ելույթ ունենալով կառավարության նիստում, հայտարցարել է, որ չի համաձայնել ԱՄՆ-ի իր պաշտոնակից Դոնալդ Թրամփի հետ բանակցել ՄԱԿ-ի Գլխավոր ասամբլեայի շրջանակում, քանզի չի հավատացել, որ այդ հանդիպումը Թեհրանի շահերից է բխում՝ տեղեկացնում է TASS-ը։
«Եթե ես վստահ լինեի, որ այդ բանակցությունները համապատասխանում են Իրանի ժողովրդի շահերին, ապա ես, անտարակույս, կհամաձանեի»,- ասել է Ռոհանին։
Նա հավելել է, որ «ԱՄՆ նախագահը ՄԱԿ-ի ԳԱ-ում իր ելույթի ընթացքում երկու անգամ հայտարարել է, որ ցանկանում է խստացնել Իրանի դեմ սահմանված պատժամիջոցները»: «Ես ասացի մեր եվրոպացի ընկերներին՝ ինչպե՞ս մենք կարող ենք դա ընդունել: Մենք պետք է հավատանք ձեզ, որ Վաշինգտոնը պատրաստ է երկխոսության կամ ԱՄՆ նախագահին, որը 24 ժամվա ընթացքում երկու անգամ հանդես եկավ Թեհրանի վրա ճնշումն ուժեղացնելու օգտին»,- նշել է Ռոհանին։