Իրանը պահում է իր հրթիռներն ու հարվածային այլ համակարգերը ստորգետնյա թունելներում` ասել է Իսլամական հեղափոխության պահապանների կորպուսի օդատիեզերական ուժերի հրամանատար, բրիգադային գեներալ Ամիր Ալի Հաջիզադեն` հայտնում է Tasnim-ը:
«Շատ բարդ թունելներ են փորվել գետնի տակ և լեռներում՝ զինամթերք, հրթիռներ, սարքավորումներ պահելու և զինված անձնակազմին պահելու համար»,- ասել է նա։
Նրա խոսքով՝ «ստորգետնյա հրթիռային քաղաքներ» ստեղծելու գաղափարը մշակվել է Իրանի ռազմաքաղաքական ղեկավարության կողմից դեռևս 1984 թվականին, երբ փորվել էր առաջին թունելը: Այդ ժամանակվանից ի վեր, պաշտպանական նպատակներով ստորգետնյա թունելների շինարարությունը եղել է «շուրջօրյա»,- նշել է իրանական գեներալը:
Այս թունելների հիմնական նպատակը զինամթերքը գետնի տակ պահելն է՝ պաշտպանելով Իրանի հրթիռային ներուժը իր թշնամիներից։
