Սիրիայում տեղի է ունեցել «Պրոմեթեյ» Ս-500 հակաօդային պաշտպանական համակարգի փորձարկումը, գրում է «Իզվեստիա»-ն։
Նշվում է, որ համակարգի փորձարկումը բարեհաջող է անցել։
Սակայն այդ ընթացքում հայտնաբերվել են համակարգի տեխնիկայում մի շարք անսարքություններ, որոնք օպերատիվ կերպով հաջողվել է ուղղել։
«Սիրիան շատ հարմար է այդպիսի փորձարկումների համար։ Այնտեղ միշտ շոգ է, փոշին շատ է»,-ասել է փորձագետը։
Նրա խոսքով՝ աշխատանքի այդպիսի ռեժիմը և խիստ կլիմայական պայմաններն օգնում են գտնել թերությունները, որոնք հետո ֆիքսվում և չեզոքացվում են։
