Այսօր՝ հոկտեմբերի 1-ին, Ազգային ժողովը սկսում է իր հերթական նիստի աշխատանքները:
Այժմ քննարկվում է պատգամավոր Արման Աբովյանի կողմից ներկայացված՝ ԱԺ կանոնակարգ սահմանադրական օրենքում փոփոխություն կատարելու մասին հարցը:
Ինչպես նշեց օրինագծի հեղինակը՝ խոսքը խմբակցություններում աշխատող փորձագետների քանակի ավելացման մասին է: «Առաջարկում ենք 14-ից ավելի պատգամավոր ունեցող խմբակցություններում փորձագետների հաստիքները մեկով ավելացնել»,- ասաց նա՝ ներկայացնելով այս առաջարկի հիմնավորումները:
Ի պատասխան «Իմ քայլը» խմբակցության պատգամավոր Սուրեն Գրիգորյանի հարցի՝ Արման Աբովյանն ասաց. «Ես շիտակ ասում եմ՝ հնարավոր չէ այս տեմպով երկար աշխատել»:
Սուրեն Գրիգորյանը տարակուսեց, որ օրինագծի կոնցեպտը դեռ պարզ չէ, ինչին հակադարձելով՝ Արման Աբովյանը նկատեց. «Կոնցեպտը ենթադրում է փորձագետների ավելացում»:
Մանրամասները՝ տեսանյութում: