Երևանում անցկացվում է ԵԱՏՄ համաժողովը ու մինչև անդամ պետքությունների հանդիպումների մեկնարկը, կառավարությունների ներկայացուցիչները բազմակողմ հանդիպումներ են ունեցել ու քննարկումների առանցքում նաև Հայաստանի համար գազի սակագնի հնարավոր թանկացման հարցն է եղել։ Թեև մամուլն արդեն տևական ժամանակ է գրում է, որ հունվարի մեկից գազի գինը թանկանալու է 30 տոկոսով, քննարկումններից հետո հայկական կողմը հայտարարեց, որ Հայաստանի համար գազի սակագնի փոփոխություն չի սպասվում։ Թեմայի շուրջ «Առաջին լրատվական»-ը զրուցել է ՀՀ ԱԺ երկրորդ գումարման պատգամավոր, 2000-2003 թթ. ՌԴ կառավարությունում ՀՀ կառավարության հատուկ ներկայացուցիչ Տարոն Սահակյանի հետ:
«Այն երկրները որոնք նավթ ու գազ չունեն, պետք է գնան էներգակիրների թանկացման սցենարով:Երկաթգիծը, նավթամուղը ֆիզիկապես են տարբեր, բայց որպես էկոնոմիկա նման են»-նշեց Սահակյանը:
Տարոն Սահակյանը նաև նկատեց, որ վերջին 15 տարում ֆրոնտից լուրեր ենք ստանում․ «Վարչապետ Փաշինյանը, երբ առաջին անգամ հանդիպեց Պուտինի հետ, ՌԴ նախագահն ասաց, որ 2015-ին տեսա վիճակը և 150 դոլար դարձավ գազը, ռուսական կողմը հստակ հասկացրեց: ՌԴ նախագահի մակարդակով հասկացվեց, որ իրենք դեմ չեն, այլ կաջակցեն ու պարզեն, թե ինչու գազը 150 դոլարից դարձավ 300 դոլար: Այսօր գազի գինը դարձել է հայ-ռուսական հարաբերությունների անկյունաքար: Հեղափոխությունից հետո վարչապետի խորհրդականներից մեկը՝ Ֆելիքս Թադևոսյանը հանդիպեց ինձ հետ, որով հայտնեց վարչապետին կից հանձնաժողով է ստեղծվում գազի սակագնի ուսումնասիրման համար: Այդ անձը մեծ կապեր ունի Կարեն Կարապետյանի հետ: Այդ գործընթացները եթե ճիշտ ուղղությամբ գնար կունենայինք գազի «սև» ու «սպիտակ» մասը»:
Տարոն Սահակյանը այդ հանձնաժողովի աշխատանքներից տեղյակ չէ:, բայց ըստ նրա պետք է ԱԱԾ-ն այնպիսի փաստաթուղթ դներ սեղանին, որ գազի թեման ընդհանրապես չլիներ․ «Գազի գնի թանկացման ամբողջ պատասխանատվությունը կրում է Կարեն Կարապետյանը»:
