2020 թվականի փետրվարի 1-ից WhatsApp-ը կդադարի աշխատել հնացած օպերացիոն համակարգերի վրա, հաղորդվում է հավելվածը մշակողների բլոգում:
Փոփոխությունները կվերաբերեն Android-ով և iOS-ով աշխատող համակարգերին, մասնավորապես ապահովումից կզրկվի Android 2.3.x (Gingerbread) տարբերակը, ինչպես նաև մեսենջերը կդադարի աշխատել 2014 թվականի iOS 8-ի վրա:
WhatsApp-ից օգտվելու հնարավորությունը պահպանելու համար պետք է կամ թարմացնել հեռախոսի ծրագրային ապահովումը, կամ նոր հեռախոս գնել:
Մշակողները նաև հայտարարել են, որ դադարեցնում են Windows Phone-ի բոլոր վերսիաների ապահովումը: Դա տեղի կունենա 2019 թվականի դեկտեմբերի 31-ին: