Կուրտ Կոբեյնի և Քորթնի Լավի միակ դուստրը՝ Ֆրենսիս Բին Կոբեյնը, սկսել է ճգնավորի կյանք վարել: 21-ամյա Ֆրենսիսի ծանոթների հաղորդմամբ՝ նա գրեթե չի երևում հանրության մեջ և իրեն պահում է պարանոիկի նման: The Sun տաբլոիդը, հղում անելով աղբյուրին, գրում է, որ նա վերջին ամիսներին տնից գրեթե դուրս չի գալիս:
«Ֆրենսիսը հազվադեպ է տնից դուրս գալիս: Նա աշխատողներին խնդրում է իր համար տոպրակներով մթերք բերել, իսկ ինքն ամբողջ օրն անցկացնում է մենակ կամ ընկերների հետ,- հայտնում է պարբերականը:- Նա իր տունը վերածել է միջերկրածովյան ոճով անհաս ամրության՝ արտաքին աշխարհից առանձնանալով բարձր պատերով, տան բոլոր սենյակներում մալուխային հեռուստատեսություն կա, և կարծես՝ իսկական պարանոիկ է դարձել»:
Հայտնի է, որ Կուրտ Կոբեյնը, ըստ հիմնական վարկածի, ինքնասպան էր եղել՝ իր գլխին կրակելով:
Ֆրենսիսն իր հորից ժառանգել է 450 մլն դոլարի կարողության 37%-ը և մոտ 2 մլն դոլար արժողությամբ առանձնատունը՝ Հոլիվուդում:
