Սոցցանցերում մանկական պոռնոգրաֆիայի քանակն աճում է երկրաչափական պրոգրեսիայով, և ոչ ոք չգիտի, թե ինչպես պայքարել դրա դեմ:
New York Times-ի ուսումնասիրության համաձայն, եթե 10 տարի առաջ համացանցի օգտատերերը 100.000 բողոք են ներկայացրել մանկապղծության պատկերների և տեսանյութերի վերաբերյալ, ապա 5 տարի առաջ նման բողոքների թիվը եղել է մեկ միլիոն, իսկ անցած տարի՝ 18.4 միլիոն:
Մանկական պոռնոգրաֆիայի աճը տեղի է ունեցել բջջային ինտերնետի և սոցցանցերի տարածման պատճառով, գրում է պարբերականը:
Մանկապղծության կոնտենտը տարածվում է տարբեր ծառայությունների միջոցով. Facebook Messenger-ից մինչև Dropbox: Անանունության և վերահսկողությունից պաշտպանվածության միտումն ունի նաև բացասական կողմ. մանկապիղծները հաղորդակցվում են փակ Darknet-ֆորումներում:
Համացանցը մանկապիղծներին հնարավորություն է տվել ստեղծելու հսկայական համայնքներ, որոնցում նրանք իրար հետ կիսվում են կոնտենտով և քննարկում աննկատ մնալու ուղիները: Օհայո նահանգից մանկապիղծների խոշոր կայքի ադմինիստրատորը ոստիկանությանը 41 նիշ ունեցող գաղտնաբառ է տրամադրել, որի ապակոդավորման համար տարիներ կպահանջվեր: Ի վերջո նա քննությանը հայտնել է գաղտնաբառը և ցմահ պատիժ ստացել: