Գերմանիայի նախկին կանցլեր Գերհարդ Շրյոդերը չի հրավիրվել Ֆրանսիայի նախկին նախագահ Ժակ Շիրակի հրաժեշտի արարողությանը` հայտնում է TASS-ը՝ վկայակոչելով գերմանական լրատվամիջոցներին:
Շրյոդերի գրասենյակում հայտնել են, որ Ելիսեյան պալատը, իբր, հրաժարվել է տեղերի սահմանափակ քանակի պատճառով:
Սակայն, ըստ Ելիսեյան պալատի աղբյուրի, Շրյոդերին սպասում էին Փարիզում, նրան նույնիսկ եկեղեցում տեղ էին թողել Շիրակին հրաժեշտ տալու համար: Հետևաբար, ամենայն հավանականությամբ, տեղի է ունեցել թյուրիմացություն, քանի որ միջոցառմանը մասնակցելու պաշտոնական հրավեր չի պահանջվել, միայն պետք էր հայտարարել արարողությանը գալու մտադրության մասին: